Hauptinhalt

 De Peremett
   
1. Dr Voter hat ne man'che Stund
mit Basteln, Baue zugebracht,
ar hot geschnitzt und hot geleimt
bis tief nei in dr Nacht.
Nu stieht sei Wark. Dr gute Mah
hält's Hölzel an de Lichter nah.
   
  Un de Peremett dreht sich,
dreht sich in Glanz,
gelickliche Aagn gucken nei.
Von dr Hamet e Bild
un dr heiligen Nacht,
ganz still wie in Traam zieht's verbei.
   
2. Grußvoter setzt sich na drzu,
betracht sich Hard un Hirtenleit,
sieht an der Deck in Schattenspiel
und denkt an alte Zeit.
Sei Enkele drzwischen fährt:
"Guck a! Dr Joseph lefft verkehrt!"
   
  Un de ...
   
3. Dr Mutter ihre größte Frad
dos is e Stückel Hametwald.
Mit Schwammekörb und Schwarzbeerkrüg
zieht hamwärts gung un alt.
Un do, an hallerlichten Tog
schleicht's Hasel dan klenn Gungel noch!
   
  Un de ...
   
4. De Kinner gucken wetter nauf,
do is wie richt'ger Schnee in Land.
Der Singgung fercht sich net drvür
un a dr Musikant.
Dar do blest sich de Backen rut
mit sen grußmachting Bomberdud.
   
  Un de ...
   
 5. E mannichs Mol in menschlich'n Lab'n
do will's fei gar net feder gieh.
Su is a bei dr Peremett,
dos Luder blebbt ahm stieh.
Hul net geleich de Hack enzu!
Ho fei Geduld! Mach's mit der Ruh!
   
  Un de ...
   
  Erich Lang, 1938